*بھنے ہوئےکالے چنے کھائیں جسمانی قوت بڑھائیں

*بھنے ہوئےکالے چنے کھائیں   جسمانی قوت بڑھائیں*

پروٹین ، فائبر، کیلشیم اور آئرن سے بھرپور کالے چنے صحت کے اعتبار سے بڑی اہمیت کے حامل جانے جاتے ہیں، ذائقہ میں بہترین اور جسمانی قوت اور توانائی کا ذریعہ ہیں کالے چنے کی خوبیاں تو بے شمار ہیں لیکن چند اہم خوبیاں ہیں جنھیں جان کر آپ اپنی روزمرہ خوراک میں بھنے چنے کا استعمال ضرور شروع کردیں گے۔

بھنے ہوئے کالے چنے کھائیں قوت مدافعت میں اضافہ کریں
بھنے کالے چنے جسمانی قوت بڑھانے کے ساتھ ساتھ قوت مدافعت میں بھی اضافے کرتے ہیں، اگر آپ چاہیں تو انکے چھوٹے چھوٹے پیکٹ بناکر انمیں منقہ یاکشمش ملاکر رکھ سکتے ہیں، اسکے باقاعدگی سے استعمال کے بعد آپکو ڈاکٹر کے پا س جانے کی ضرورت نہی پڑے گی
کالے چنے کھائیں کولیسٹرول گھٹائیں، کولیسٹرول کم کرنے کے لئے اگر آپ بھنے کالے چنے کا باقاعدگی سے استعمال کریں تو کولیسٹرول کے مسئلے کو آپ آسانی سے حل کر سکتے ہیں، اسمیں موجود غذائی اجزاء فطری انداز میں کولیسٹرول کو کنٹرول رکھتے ہیں۔

بھنے ہوئے کالے چنے کھائیں ذیابیطس کنٹرول کریں
ذیابیطس کے مریض آسانی سے بھنے چنے کااستعمال کرسکتے ہیں کیونکہ اسمیں گلیسیمک انڈکس کم ہوتاہے اسکے استعمال سے خون میں شکر کی مقدار میں توازن رہتاہے اور انرجی میں بھی کمی نہیں آتی۔

بھنے ہوئے کالے چنے کھائیں وزن کم کریں
اگر آپ شام چار بجے ایک مٹھی چنے کا استعمال روزانہ کریں تو کولیسٹرول کم کرنے کے ساتھ ساتھ وزن میں بھی بغیر کسی نقصان کے نمایاں کمی کرسکتے ہیں، اسمیں موجود پروٹین اور آئرن موٹاپا کم کرنے کے ساتھ ساتھ اس سے ہونے والی کمزوری سے بھی بچاتاہے، یعنی یہ جسمانی قوت بڑھاتے ہیں لیکن وزن نہیں۔

بھنے ہوئے کالے چنے کھائیں آنتوں کی صحت اچھی رکھیں
بھنے چنے کا استعمال آنتوں کی صحت کو برقرار رکھ کر انھیں کمزور ہونے سے بچاتا ہے آنتوں میں موجود بیکٹیریا کے لئے مفید ہے اوراسمیں موجود فائبر قبض اور دیگر نظام ہضم کے مسائل کی روک تھام کرتا ہے۔

بھنے ہوئے کالے چنے کھائیں خواتین اپنی صحت اچھی رکھیں
خواتین اگر بھنے چنے کااستعمال کریں تو اپنی روزمرہ کی تکالیف سے نجات حاصل کرسکتی ہیں اور جسمانی قوت میں بھی اضافہ کر سکتی ہیں خواتین کے پوشیدہ امراض سے نجات،وزن میں کمی اور انکی قوت مدافعت میں اضافے کے لئے چنے کا استعمال بہترین ہے۔

بھنے ہوئے کالے چنے بچوں کی نشوونما کے لیے بہترین ہیں
بھنے چنے کا استعمال نہ صرف بڑوں بلکہ بچوں کے لئے بہت نفع بخش ہے، اگر آپ اپنے بچے کی جسمانی قوت بڑھانا اور اسے بیماریوں سے محفوظ رکھنا چاہتے ہیں توبچوں کو اسمیں کشمش اور مصری وغیرہ ملاکر کھلا سکتے ہیں۔

بھنے ہوئے کالے چنے کھائیں کھانسی سے نجات پائیں
کھانسی کی صورت میں بھنے چنے کااستعمال بہترین ہے، کھانسی کے لئے بھنے کالے چنے دو چمچ،مصری ایک چمچ، کالی مرچ اور سفید مرچ آدھا آدھا چمچ لے کر پیس کر رکھ لیں صبح ناشتے اور رات کھانے سے دو گھنٹے پہلے کھالیں کھانسی ٹھیک ہو جائے گی۔
٭٭•┈••✦✿